டி20 உலகக்கோப்பையை வென்ற வரலாற்றுச் சிறப்புமிக்க தருணத்தில், தனது மனைவி சாருலதாவிற்கு இந்திய கிரிக்கெட் வீரர் சஞ்சு சாம்சன் நெகிழ்ச்சியுடன் நன்றியைத் தெரிவித்துள்ளார். சமூக வலைதளத்தில் தனது மனைவியை ‘பொண்டாட்டி’ என்று அழைத்து அவர் பதிவிட்ட உருக்கமான கடிதம் அனைவரின் கவனத்தையும் ஈர்த்துள்ளது. நீண்ட கால கிரிக்கெட் பயணத்தில் தனக்கு உறுதுணையாக இருந்ததற்கும் தனது அர்ப்பணிப்பை மதித்ததற்கும் அவர் மனமார்ந்த நன்றியை வெளிப்படுத்தியுள்ளார்.

வாழ்க்கையின் இக்கட்டான சூழ்நிலைகளிலும் சாருலதா ஒருபோதும் தன் கையை விடவில்லை என்று சஞ்சு குறிப்பிட்டுள்ளார். மைதானத்தில் போராடிப் பெற்ற இந்த வெற்றியை தனது குடும்பத்தின் தியாகத்திற்கு கிடைத்த பரிசாகவே சாம்சன் கருதுகிறார். மனைவியின் மீதான அவரது இந்த அன்பு கலந்த நெகிழ்ச்சியான பதிவு தற்போது சமூக வலைதளங்களில் வைரலாகி வருகிறது.