விருதுநகர் மாவட்டம் காரியாபட்டி அருகே தெற்காற்று கரையில் மர்மமான முறையில் கொட்டி வைக்கப்பட்டிருந்த 10 யூனிட் ஆற்று மணலை வருவாய்த்துறை அதிகாரிகள் அதிரடியாகப் பறிமுதல் செய்தனர். ஆத்திகுளம் பேருந்து நிறுத்தம் அருகே இரு இடங்களில் தலா 5 யூனிட் மணல் மறைத்து வைக்கப்பட்டிருந்தது அதிகாரிகளின் சோதனையில் வெளிச்சத்திற்கு வந்தது.

மணல் கடத்தல் கும்பல் அதிகாரிகளுக்குப் பயந்து மணலை அங்கேயே விட்டுச் சென்றார்களா என்ற கோணத்தில் தீவிர விசாரணை நடைபெற்று வருகிறது. சட்டவிரோத மணல் திருட்டு தொடர்பாக அந்தப் பகுதியில் காவல்துறையினர் தொடர்ந்து தேடுதல் வேட்டை நடத்தி வருகின்றனர்.