நியூசிலாந்துக்கு எதிரான வரலாற்று சிறப்புமிக்க உலகக்கோப்பை இறுதிப்போட்டியில் இந்திய அணி வெற்றி பெற்றதைக் காண ஜியோ ஹாட்ஸ்டார் தளத்தில் புதிய சாதனை படைக்கப்பட்டது. போட்டியின் போது 74.5 கோடியாக இருந்த பார்வையாளர்களின் எண்ணிக்கை, பரிசளிப்பு விழாவின் போது 82.1 கோடியாக உயர்ந்தது. இது இந்திய ஆன்லைன் கிரிக்கெட் ஒளிபரப்பு வரலாற்றிலேயே மிக அதிகபட்ச எண்ணிக்கையாகும்.

தொடர்ந்து இரண்டாவது முறையாக டி20 உலகக்கோப்பையை வென்று இந்திய அணி சாதனை படைத்ததால் ரசிகர்கள் உற்சாகமடைந்தனர். தோனி மற்றும் ரோகித் வருகை தந்த நிறைவு விழா நிகழ்ச்சிகள் பார்வையாளர்களை வெகுவாக கவர்ந்தன. கடந்த கால டிஜிட்டல் சாதனைகளை முறியடித்து, இந்த இறுதிப்போட்டி ஒளிபரப்பு நிறுவனத்திற்கு பெரும் லாபத்தையும் உலகளாவிய அங்கீகாரத்தையும் தேடித்தந்துள்ளது.