ஆப்கானிஸ்தான் எல்லைப்பகுதியில் பாகிஸ்தான் நடத்திய வான்வழித் தாக்குதலை இந்தியா வன்மையாகக் கண்டித்துள்ளது. புனிதமான ரமலான் மாதத்தில் பெண்கள் மற்றும் குழந்தைகள் உட்பட அப்பாவி பொதுமக்கள் கொல்லப்பட்டது மிகவும் துரதிர்ஷ்டவசமானது என்று இந்திய வெளியுறவு அமைச்சகம் தெரிவித்துள்ளது. பாகிஸ்தான் தனது உள்நாட்டுத் தோல்விகளை மறைக்கவே இத்தகைய அத்துமீறல்களில் ஈடுபடுவதாக இந்தியா விமர்சித்துள்ளது.

ஆப்கானிஸ்தானின் இறையாண்மை மற்றும் பிராந்திய ஒருமைப்பாட்டிற்கு இந்தியா எப்போதும் ஆதரவாக இருக்கும் என்று தெளிவுபடுத்தப்பட்டுள்ளது. இந்தத் தாக்குதலில் தீவிரவாதிகள் கொல்லப்பட்டதாக பாகிஸ்தான் கூறினாலும், உயிரிழந்தவர்கள் அனைவரும் சாதாரண கிராமவாசிகள் என்று ஆப்கான் தரப்பு குற்றம் சாட்டியுள்ளது. இந்தச் சம்பவம் இரு நாடுகளுக்கிடையே பெரும் பதற்றத்தை உருவாக்கியுள்ளது.