தென்னாப்பிரிக்காவிற்கு எதிரான சூப்பர் 8 போட்டியில் இந்திய சுழற்பந்து வீச்சாளர் வருண் சக்கரவர்த்தி வரலாற்று சாதனை படைத்துள்ளார். அகமதாபாத் நரேந்திர மோடி மைதானத்தில் டேவிட் மில்லர் விக்கெட்டை வீழ்த்தியதன் மூலம், சர்வதேச டி20 கிரிக்கெட்டில் தொடர்ந்து 18 போட்டிகளில் விக்கெட் எடுத்த முதல் இந்தியர் என்ற பெருமையை அவர் பெற்றார். இதற்கு முன் அர்ஷ்தீப் சிங் தொடர்ந்து 17 போட்டிகளில் விக்கெட் எடுத்ததே சாதனையாக இருந்தது.

இந்தப் போட்டியில் 47 ரன்கள் விட்டுக்கொடுத்து ஒரு விக்கெட் எடுத்தாலும், வருணின் இந்த அசாத்திய வேகம் அவரை முதலிடத்திற்கு கொண்டு சென்றுள்ளது. கடந்த 18 போட்டிகளில் அவர் மொத்தம் 34 விக்கெட்டுகளை வீழ்த்தி அசத்தியுள்ளார். அதேசமயம் தென்னாப்பிரிக்காவின் டேவிட் மில்லர், டி20 உலகக்கோப்பை தொடர்களில் இந்தியாவிற்கு எதிராக அதிக ரன்கள் எடுத்த டேவிட் வார்னரின் சாதனையை சமன் செய்தார். இந்தியாவின் தோல்விக்கு மத்தியிலும் வருணின் இந்த மைல்கல் கவனத்தை ஈர்த்துள்ளது.