வங்கதேசத் தேர்தலில் வெற்றி பெற்ற பிஎன்பி தலைவர் தாரிக் ரஹ்மானை பிரதமர் நரேந்திர மோடி தொலைபேசியில் அழைத்து தனது வாழ்த்துகளைத் தெரிவித்தார். இரு நாடுகளுக்கும் இடையிலான வரலாற்றுச் சிறப்புமிக்க உறவை சுட்டிக்காட்டிய அவர், புதிய அரசின் வளர்ச்சித் திட்டங்களுக்கு இந்தியா முழு ஒத்துழைப்பு அளிக்கும் என உறுதியளித்தார். இந்த உரையாடல் இரு நாடுகளுக்கிடையிலான உறவில் ஒரு புதிய தொடக்கமாகப் பார்க்கப்படுகிறது.

அதே சமயம், டெல்லியில் தஞ்சம் புகுந்துள்ள ஷேக் ஹசீனாவை மீண்டும் வங்கதேசத்திற்கு கொண்டு வர வேண்டும் என்று பிஎன்பி கட்சி பிடிவாதமாக உள்ளது. அவரை சட்டத்தின் முன் நிறுத்த இந்தியாவிடம் முறைப்படி கோரிக்கை வைக்கப்படும் என்று அக்கட்சியின் மூத்த தலைவர் சலாவுதீன் அகமது கூறியுள்ளார். ஹசீனாவின் எதிர்காலம் மற்றும் கங்கை நதி நீர் பகிர்வு ஒப்பந்தம் ஆகியவை வரும் நாட்களில் இரு நாட்டு உறவுகளில் முக்கிய பங்கு வகிக்கும்.