இந்தியா மற்றும் பாகிஸ்தான் இடையிலான முக்கியமான போட்டிக்கு முன்னதாக இந்திய தொடக்க ஆட்டக்காரர் அபிஷேக் சர்மா குறித்து பாகிஸ்தான் முன்னாள் வேகப்பந்து வீச்சாளர் முகமது அமீர் சர்ச்சைக்குரிய கருத்தை தெரிவித்துள்ளார். அபிஷேக் ஒரு ஸ்லாகர் மட்டுமே என்றும் அவரது பேட்டிங்கில் நிலைத்தன்மை மற்றும் நுட்பம் இல்லை என்றும் அமீர் விமர்சித்துள்ளார். முறையான திட்டமிடல் மூலம் அவரை எளிதில் ஆட்டமிழக்கச் செய்ய முடியும் என்று அவர் ஒரு தொலைக்காட்சி நிகழ்ச்சியில் கூறினார்.

உடல்நலக்குறைவு காரணமாக பாகிஸ்தானுக்கு எதிரான போட்டியில் அபிஷேக் விளையாடுவது குறித்து நிச்சயமற்ற நிலை நிலவினாலும் அவர் குறித்த விவாதம் தீவிரமடைந்துள்ளது. அமீரின் இந்த அவமரியாதையான கருத்து கிரிக்கெட் வட்டாரத்தில் கடும் கொந்தளிப்பை ஏற்படுத்தியுள்ளது. போட்டி தொடங்குவதற்கு முன்பே பாகிஸ்தான் வீரரின் இந்த மன ரீதியான அழுத்தம் தரும் தந்திரம் எந்த அளவுக்கு வேலை செய்யும் என்பதை பொறுத்திருந்துதான் பார்க்க வேண்டும்.