இந்தியாவுடனான போட்டியை புறக்கணிப்பதாக அறிவித்து வந்த பாகிஸ்தான், 15 நாட்கள் நீடித்த இழுபறிக்குப் பிறகு தற்போது ஒரு பெரிய யூ-டர்ன் எடுத்துள்ளது. 2026 டி20 உலகக்கோப்பையில் இந்தியாவுக்கு எதிராக விளையாட பாகிஸ்தான் சம்மதம் தெரிவித்துள்ள செய்தி கிரிக்கெட் வட்டாரத்தில் பெரும் பரபரப்பை ஏற்படுத்தியுள்ளது.

பாகிஸ்தான் கிரிக்கெட் வாரியத்தின் (PCB) முன்னாள் தலைவர் நஜாம் சேதி இது குறித்து கூறுகையில், பாகிஸ்தான் பணிந்து போகவில்லை என்றும், மாறாக ஐசிசி (ICC) தான் தனது நிலையில் இருந்து பின்வாங்கியுள்ளதாகவும் வாதிட்டுள்ளார். ஐசிசியின் அபராதம் மற்றும் தடைகளில் இருந்து தப்பிக்கவும், நாட்டின் கௌரவத்தை நிலைநாட்டவும் இந்த முடிவு எடுக்கப்பட்டதாகத் தெரிகிறது.

வங்கதேச கிரிக்கெட் வாரியத்தின் மத்தியஸ்தம் மற்றும் ஐசிசி வழங்கிய புதிய சலுகைகள் காரணமாக இந்த முட்டுக்கட்டை நீங்கியுள்ளது. இதன் மூலம் உலகக்கோப்பை தொடரின் வர்த்தக மதிப்பு மீண்டும் அதிகரித்துள்ளது. மைதானத்திற்கு வெளியே நடந்த இந்த அரசியல் மோதல்கள், மைதானத்தில் இந்தியா-பாகிஸ்தான் அணிகளுக்கு இடையிலான ஆட்டத்தில் எந்த அளவுக்கு எதிரொலிக்கும் என்பதைப் பொறுத்திருந்துதான் பார்க்க வேண்டும்.