1956-ல் ஓமன் சுல்தான் குவாடர் துறைமுகத்தை இந்தியாவிடம் ஒப்படைக்க முன்வந்தும், அப்போதைய இந்திய அரசு அதை ஏற்க மறுத்தது இன்று ஒரு பெரும் வரலாற்றுத் தவற்றாகப் பார்க்கப்படுகிறது. அன்று இந்தியா காட்டிய அலட்சியம், இன்று அரபிக்கடல் பகுதியில் இந்தியாவின் பாதுகாப்பிற்குப் பெரும் அச்சுறுத்தலாக உருவெடுத்துள்ளது.

தற்போது பாகிஸ்தானின் வசம் உள்ள இந்தத் துறைமுகம், உண்மையில் சீனாவின் முழுக் கட்டுப்பாட்டில் உள்ளது. இந்தத் திட்டத்தின் மூலம் கிடைக்கும் வருவாயில் 91 சதவீதத்தைச் சீனா எடுத்துக்கொள்கிறது. இதனால் உள்ளூர் பலூச் மக்கள் தங்கள் வாழ்வாதாரமான மீன்பிடி உரிமையைக் கூட இழந்து வறுமையில் வாடுகின்றனர்.

அன்று இந்தியா இந்த ‘தங்கச் சுரங்கத்தை’ வசப்படுத்தியிருந்தால், இன்று அரபிக்கடல் பாதுகாப்பாக இருந்ததோடு, வர்த்தக ரீதியாகவும் இந்தியா பெரும் வளர்ச்சி கண்டிருக்கும். ஒரு தவறான ராஜதந்திர முடிவு, இன்று ஒட்டுமொத்த தெற்காசியாவின் பாதுகாப்பையும் கேள்விக்குறியாக்கியுள்ளது.