19 வயதுக்குட்பட்டோருக்கான உலகக் கோப்பை இறுதிப் போட்டியில், இங்கிலாந்துக்கு எதிராக வெறும் 80 பந்துகளில் 175 ரன்கள் குவித்து கிரிக்கெட் உலகையே அதிர வைத்துள்ளார் 14 வயது சிறுவன் வைபவ் சூர்யவன்ஷி. இந்த இளம் வீரரின் அதிரடி ஆட்டத்தைக் கண்டு வியந்த இங்கிலாந்து கேப்டன் ஜோஸ் பட்லர், வைபவ்வை தான் கண்ட “சிறந்த வீரர்களில் ஒருவர்” எனப் புகழ்ந்துள்ளார்.

ஐபிஎல் தொடரிலும் சதம் விளாசியது மற்றும் முதல் பந்திலேயே சிக்ஸர் அடித்ததைக் குறிப்பிட்ட பட்லர், வைபவ் ஒரு வருங்கால ‘சூப்பர் ஸ்டார்’ என்பதற்கான அனைத்து தகுதிகளும் அவரிடம் இருப்பதாகக் கூறியுள்ளார். பட்லரின் இந்த பாராட்டு ஒரு மிகப்பெரிய அங்கீகாரம் என சக வீரர் மார்க் வுட் தெரிவித்துள்ளார். மிகச்சிறிய வயதிலேயே இத்தகைய சாதனையைப் படைத்துள்ள வைபவ், வரும் காலங்களில் கிரிக்கெட் உலகில் எந்த உயரத்தை எட்டுவார் என்ற எதிர்பார்ப்பு ரசிகர்களிடையே அதிகரித்துள்ளது.