சமூக வலைதளங்களில் பரப்பப்படும் போலி வீடியோக்கள் மற்றும் ‘டீப்ஃபேக்’ (Deepfake) உள்ளடக்கங்களைக் கட்டுப்படுத்த அரசு அதிரடி நடவடிக்கையை மேற்கொண்டுள்ளது. இனி நீதிமன்றம் அல்லது காவல்துறை உத்தரவிட்டால், பேஸ்புக், யூடியூப் அல்லது எக்ஸ் (X) போன்ற தளங்கள் வெறும் 3 மணிநேரத்திற்குள் அந்த சர்ச்சைக்குரிய வீடியோக்களை நீக்க வேண்டும்.

புதிய சட்டத்தின் முக்கிய அம்சங்கள்:

• AI லேபிள் கட்டாயம்: செயற்கை நுண்ணறிவு (AI) மூலம் உருவாக்கப்பட்ட எந்தவொரு உள்ளடக்கத்திற்கும் ‘AI’ லேபிள் ஒட்டுவது இனி கட்டாயமாக்கப்படுகிறது.
• விரைவான தீர்வு: புகார்கள் மீது நடவடிக்கை எடுக்க முன்பு அதிக காலம் எடுத்துக்கொள்ளப்பட்ட நிலையில், இனி மிக விரைவாக தீர்வு காணப்பட வேண்டும்.
• கடுமையான தண்டனை: பிப்ரவரி 20 முதல் நடைமுறைக்கு வரும் இந்த விதிகளின்படி, மோசடி அல்லது அவதூறு பரப்பும் பதிவுகளை வெளியிட்டால் அபராதம், சிறைத்தண்டனை அல்லது கணக்கு நிரந்தரமாக முடக்கப்படலாம்.

டிஜிட்டல் உலகில் பொதுமக்களின் பாதுகாப்பை உறுதி செய்யவும், தொழில்நுட்ப தவறுகளைத் தடுக்கவும் இந்த அதிரடி சட்டம் கொண்டு வரப்பட்டுள்ளது.