நீண்ட நாட்களாக நீடித்து வந்த இழுபறிக்குப் பிறகு, இந்தியா மற்றும் பாகிஸ்தான் அணிகளுக்கு இடையிலான கிரிக்கெட் போட்டி குறித்த சிக்கல் முடிவுக்கு வந்துள்ளது. பிசிசிஐ வெளியிட்டுள்ள முக்கிய அறிவிப்பு கிரிக்கெட் உலகில் பெரும் பரபரப்பை ஏற்படுத்தியுள்ளது.

பல வாரங்களாக நிலவி வந்த தூதரக ரீதியான அழுத்தம் மற்றும் புறக்கணிப்பு மிரட்டல்களுக்குப் பிறகு, வரும் பிப்ரவரி 15-ஆம் தேதி கொழும்பில் இந்தியா-பாகிஸ்தான் அணிகள் நேருக்கு நேர் மோதுவது உறுதியாகியுள்ளது. ஐசிசி-யின் சமரச முயற்சியால் பாகிஸ்தான் கிரிக்கெட் வாரியம் தனது பிடிவாதத்தைக் கைவிட்டதை அடுத்து, இந்தப் போட்டி குறித்த நிச்சயமற்ற நிலை நீங்கியுள்ளது. இந்த வெற்றியை ‘கிரிக்கெட்டின் வெற்றி’ என்று பிசிசிஐ துணைத் தலைவர் ராஜீவ் சுக்லா பாராட்டியுள்ளார்.

லாகூரில் பிசிபி மற்றும் பிசிபி அதிகாரிகளுடன் நடத்திய ஆலோசனையில் சுமூக தீர்வு எட்டப்பட்டதாக பிசிசிஐ தெரிவித்துள்ளது. இதன் மூலம் 2026 டி20 உலகக்கோப்பை தொடரை வெற்றிகரமாக நடத்துவதற்கான வழி பிறந்துள்ளது. பாகிஸ்தான் அரசு அதிகாரப்பூர்வமாகப் பச்சைக்கொடி காட்டியுள்ளதால், வங்கதேச கிரிக்கெட் வாரியம் மீதான ஒழுங்குமுறை நடவடிக்கை அச்சமும் விலகியுள்ளது. ஐசிசி-யின் இந்த முயற்சிக்கு நன்றி தெரிவித்துள்ள இந்திய கிரிக்கெட் வாரியம், தற்போது களத்தில் மோத முழு வீச்சில் தயாராகி வருகிறது.