சொந்த ஊரை விட்டு வெளிநாட்டில் செட்டில் ஆகி, கைநிறைய சம்பாதிக்க வேண்டும் என்பது பலரது கனவு. தற்போதைய சூழலில் அமெரிக்கா, கனடா போன்ற நாடுகள் விசா விதிகளைக் கடுமையாக்கி வரும் நிலையில், இந்தியாவின் நான்கு நட்பு நாடுகள் இந்தியத் தொழிலாளர்களுக்குச் சிவப்புக் கம்பளம் விரித்து வரவேற்கின்றன.

ஜெர்மனி, ஜப்பான், ரஷ்யா மற்றும் பின்லாந்து ஆகிய நாடுகள் தற்போது இந்தியத் திறமையாளர்களைப் பெருமளவில் வேலைக்கு எடுக்கத் திட்டமிட்டுள்ளன. குறிப்பாக, ஜெர்மனி ஆண்டுக்கு 90,000 விசாக்களை வழங்க இலக்கு நிர்ணயித்துள்ளது. ஜப்பானில் சுமார் 5 லட்சம் பணியிடங்களுக்கான தேவை ஏற்பட்டுள்ளது.

எந்தத் துறையில் எவ்வளவு சம்பளம்?

• ஜெர்மனி: பொறியியல் (Engineering) துறையில் இருப்பவர்கள் மாதம் 6 லட்சம் ரூபாய் வரை சம்பாதிக்கலாம்.
• ஜப்பான்: செவிலியர் (Nursing) மற்றும் சுகாதாரத் துறையில் மாதம் 3 முதல் 4 லட்சம் ரூபாய் வரை ஊதியம் பெற வாய்ப்புள்ளது.
• பின்லாந்து & ரஷ்யா: தொழில்நுட்பம் மற்றும் கட்டுமானத் துறைகளில் இந்தியப் பணியாளர்களுக்கு அதிக முன்னுரிமை அளிக்கப்படுகிறது.

கனடா அல்லது அமெரிக்க விசா கிடைக்காமல் தவிப்பவர்களுக்கு, இந்த நான்கு நாடுகள் ஒரு பொற்கால வாய்ப்பை வழங்குகின்றன. சரியான திறமையும், திட்டமிடலும் இருந்தால் உங்கள் வெளிநாட்டுக் கனவு நனவாவது உறுதி.