பாலிவுட் சூப்பர் ஸ்டார் அமீர் கான் தனது மகன் ஜூனைத் கானின் அறிமுகத் திரைப்படமான ‘ஏக் தின்’ (Ek Din) படத்திற்காகப் பாடகர் அரிஜித் சிங்கை ஒப்பந்தம் செய்துள்ளார். சமீபத்தில் ஒரு பயணத்தின் போது அமீர் கானே நேரில் அரிஜித் சிங்கைச் சந்தித்து, தனது மகனின் படத்தில் பாடுமாறு கோரிக்கை விடுத்துள்ளார். அமீர் கானின் சொந்த தயாரிப்பில் உருவாகும் இந்தப் படத்தில் ஜூனைத் கானுக்கு ஜோடியாக தென்னிந்திய நட்சத்திரம் சாய் பல்லவி நடித்து வருகிறார்.

தனது மகனின் முதல் படத்தின் தரத்தை உயர்த்துவதில் அமீர் கான் எந்தக் குறையும் வைக்கவில்லை. தனது தனிப்பட்ட வேண்டுகோளின் பேரில் அரிஜித் சிங் இந்தப் படத்தில் பாட ஒப்புக்கொண்டதை அமீர் கானே உறுதிப்படுத்தியுள்ளார். நீண்ட நாட்களாக எதிர்பார்க்கப்படும் இந்தப் படத்தில் அரிஜித் சிங் இணைந்திருப்பது ரசிகர்களிடையே பெரும் உற்சாகத்தை ஏற்படுத்தியுள்ளது.