செய்தி பிரிவு : சமையலறையில் இடம் போதவில்லை என்பதற்காக மைக்ரோவேவ் அடுப்பின் மேல் டப்பாக்களையோ அல்லது மற்ற பொருட்களையோ வைக்கும் பழக்கம் நம்மில் பலருக்கும் உண்டு. ஆனால், இது உங்கள் உயிருக்கே ஆபத்தாக முடியலாம் என்பது தெரியுமா? அடுப்பு இயங்கும் போது அதிலிருந்து வெளியேறும் வெப்பக் காற்று தடுக்கப்பட்டால், இயந்திரம் அளவுக்கு அதிகமாக சூடாகி வெடிக்க வாய்ப்புள்ளது.

மேலே வைக்கப்படும் பிளாஸ்டிக் பொருட்கள் உருகுவதுடன், காகிதங்கள் தீப்பிடிக்கும் அபாயமும் உள்ளது. எனவே, விபத்துகளைத் தவிர்க்க மைக்ரோவேவ் அடுப்பின் மேல் நேரடியாகப் பொருட்களை வைப்பதைத் தவிர்க்க வேண்டும். அதற்குப் பதிலாக சுவரில் பொருத்தப்பட்ட அலமாரிகளைப் பயன்படுத்துவது பாதுகாப்பானது. இத்தகைய முன்னெச்சரிக்கை நடவடிக்கைகள் உங்கள் வீட்டு பாதுகாப்பை உறுதி செய்வதுடன் இயந்திரத்தின் ஆயுளையும் அதிகரிக்கும்.