நிபா வைரஸ் அரிதானது என்றாலும் மிகவும் ஆபத்தானது என்று உலக சுகாதார அமைப்பின் (WHO) தலைவர் டெட்ரோஸ் அதானோம் எச்சரித்துள்ளார். இந்த வைரஸின் புதிய பாதிப்புகள் இந்தியாவின் மேற்கு வங்க மாநிலத்தில் மட்டுமே பதிவாகியுள்ளன என்றும் அவர் தெளிவுபடுத்தியுள்ளார். அங்கு பாதிக்கப்பட்ட இரண்டு செவிலியர்களும் தற்போது குணமடைந்து வரும் நிலையில், அவர்களுடன் தொடர்பில் இருந்த சுமார் 190 நபர்களை சுகாதார அதிகாரிகள் தீவிரமாக கண்காணித்து வருகின்றனர்.

மனிதர்களிடமிருந்து மனிதர்களுக்கு இந்த வைரஸ் பரவுவதற்கான ஆதாரங்கள் இல்லை என்பதால், உலகளாவிய ரீதியில் பரவும் அபாயம் குறைவாகவே இருப்பதாக WHO தெரிவித்துள்ளது. வௌவால்கள் மூலம் பரவும் இந்த வைரஸால் உயிரிழப்பு விகிதம் அதிகமாக இருப்பதால், மருத்துவமனைகளில் பாதுகாப்பு நடவடிக்கைகள் பலப்படுத்தப்பட்டுள்ளன. தற்போது பயணக் கட்டுப்பாடுகள் எதுவும் தேவையில்லை என்றாலும், மக்கள் விழிப்புணர்வுடன் இருக்க வேண்டும் என்று அறிவுறுத்தப்பட்டுள்ளது.