2026-ஆம் ஆண்டு உலகிற்கு ஒரு மகா யுத்த ஆண்டாக அமையலாம் என்று அமெரிக்காவின் சிஎஃப்ஆர் (CFR) அமைப்பு எச்சரித்துள்ளது. எல்லைப் பகுதியில் அதிகரித்து வரும் பயங்கரவாத நடவடிக்கைகளால் இந்தியா மற்றும் பாகிஸ்தான் இடையே போர் மூளும் அபாயம் உள்ளதாக அந்த அறிக்கை தெரிவிக்கிறது. அதே வேளையில், தைவானைச் சுற்றி சீனா மேற்கொண்டு வரும் மிகப்பெரிய ராணுவ முற்றுகை மற்றும் ‘ஜஸ்டிஸ் மிஷன் 2025’ பயிற்சி, ஆசியப் பகுதியில் ஒரு பெரிய மோதலுக்கு வழிவகுக்கும் என்று எதிர்பார்க்கப்படுகிறது.

மறுபுறம், ரஷ்ய அதிபரின் இல்லத்தின் மீது உக்ரைன் நடத்திய ட்ரோன் தாக்குதல் உலக அரசியலில் பெரும் பரபரப்பை ஏற்படுத்தியுள்ளது. அமெரிக்க அதிபர் டொனால்ட் ட்ரம்ப் அமைதி பேச்சுவார்த்தைக்கு முயன்றாலும், உக்ரைன் மற்றும் ரஷ்யா இடையேயான போர் தீவிரமடைந்து வருகிறது. மேலும், வெனிசுலா மீது அமெரிக்கா நடத்திய தாக்குதல்கள் புதிய போர் பதற்றத்தை உருவாக்கியுள்ளன. வல்லரசு நாடுகளின் இந்த மோதல் போக்கு 2026-ஆம் ஆண்டை ஒரு பேரழிவு ஆண்டாக மாற்றக்கூடும் என்று வல்லுநர்கள் அஞ்சுகின்றனர்.