ஆண்டுக்கு 26 லட்சம் ரூபாய் சம்பளம் என்பது பலருக்கும் கனவாக இருக்கலாம், ஆனால் பெங்களூருவைச் சேர்ந்த ஒருவர் தனது சம்பளப் பட்டியலை வெளியிட்டு அதிர்ச்சியை ஏற்படுத்தியுள்ளார். அதிகப்படியான வருமான வரி மற்றும் நகரத்தின் மிக உயர்ந்த வாழ்க்கைச் செலவுகளால், இவ்வளவு பெரிய தொகை பெற்றும் மாத இறுதியில் சேமிக்க முடியாமல் தவிப்பதாக அவர் வருத்தம் தெரிவித்துள்ளார். இதில் 30 சதவீத தொகை வரியாகவே கழிக்கப்படுவதாக அவர் குறிப்பிட்டுள்ளார்.

மெட்ரோ நகரங்களில் நிலவும் அதிகப்படியான வாடகை, குழந்தைகளின் கல்விச் செலவு மற்றும் கார், வீட்டுக் கடன்களுக்கான மாதாந்திர தவணைகளைச் செலுத்திய பிறகு கையில் மிகக் குறைந்த அளவே மிஞ்சுவதாக அவர் கூறியுள்ளார். இந்த சமூக ஊடகப் பதிவு, அதிக வருமானம் ஈட்டுபவர்களும் கூட தற்போதைய விலைவாசி உயர்வு மற்றும் வரிச் சுமைகளால் எவ்வளவு நெருக்கடிக்கு உள்ளாகிறார்கள் என்பதை வெளிச்சம் போட்டுக் காட்டியுள்ளது.