இரத்த சோகையை போக்க பீட்ரூட் சிறந்த தீர்வாகக் கருதப்பட்டாலும், அதன் அதிகப்படியான பயன்பாடு சிறுநீரகம் மற்றும் கல்லீரலுக்குப் பாதிப்பை ஏற்படுத்தும் என்று மருத்துவர்கள் எச்சரிக்கின்றனர். பீட்ரூட்டில் உள்ள ஆக்சலேட் படிமங்கள் சிறுநீரகக் கற்களை உருவாக்கும் அபாயத்தை அதிகரிக்கின்றன. மேலும், குறைந்த இரத்த அழுத்தம் உள்ளவர்கள் பீட்ரூட் சாப்பிடுவதைத் தவிர்க்க வேண்டும், ஏனெனில் இது இரத்த அழுத்தத்தை மேலும் குறைத்து மயக்கம் மற்றும் பலவீனத்தை உண்டாக்கக்கூடும்.

பீட்ரூட்டை வெறும் வயிற்றில் சாப்பிடுவது செரிமானக் கோளாறுகள் மற்றும் ஒவ்வாமையை ஏற்படுத்த வாய்ப்புள்ளது. எனவே, ஒரு நாளைக்கு அரை கப் அல்லது வாரத்திற்கு மூன்று முறை மட்டுமே பீட்ரூட்டை உணவில் சேர்த்துக் கொள்வது பாதுகாப்பானது. கர்ப்பிணிப் பெண்கள் மற்றும் சிறுநீரகப் பாதிப்பு உள்ளவர்கள் மருத்துவ ஆலோசனையின்றி பீட்ரூட் சாற்றை உட்கொள்வது ஆரோக்கியத்திற்குப் பெரும் சவாலாக முடியலாம் என்பதால் விழிப்புணர்வு அவசியம்.