மதுரா சிறையில் கிருஷ்ணர் பிறந்த அதே நேரத்தில், கோகுலத்தில் யசோதைக்கு யோகமாயா என்ற பெண் குழந்தை பிறந்தது. தெய்வீகக் கட்டளைப்படி, வசுதேவர் கிருஷ்ணரை கோகுலத்தில் விட்டுவிட்டு, அந்தப் பெண் குழந்தையை சிறைக்குக் கொண்டு வந்தார். கம்சன் அந்த குழந்தையைக் கொல்ல முயன்றபோது, அவள் அவன் கைகளில் இருந்து தப்பி வானில் தேவியாகத் தோன்றினாள். தன்னைக் கொல்லப் பிறந்தவர் ஏற்கனவே பாதுகாப்பான இடத்தில் வளர்ந்து வருவதாகக் கம்சனிடம் கூறி மறைந்தாள்.

புராணங்களின்படி, அந்த தேவி விந்திய மலைக்குச் சென்று ‘விந்தியவாசினி தேவி’ என்ற பெயரில் அங்கு நிலைபெற்றார். விஷ்ணுவின் மாயா சக்தியாகக் கருதப்படும் இவர், காத்யாயனி மற்றும் சாமுண்டா போன்ற பெயர்களிலும் அழைக்கப்படுகிறார். இன்றும் விந்தியாச்சல் சக்தி பீடத்தில் தேவி பக்தர்களுக்கு அருள்பாலித்து வருகிறார். அடியார்களின் துயர் தீர்க்க தேவி பல்வேறு வடிவங்களில் பூமியில் எழுந்தருளுவதாகப் பக்தர்கள் நம்புகிறார்கள்.