பொதுக் கழிவறைகளை தினமும் ஏராளமானோர் பயன்படுத்துவதால் அங்கு பாக்டீரியா மற்றும் வைரஸ் தொற்று ஏற்படும் அபாயம் அதிகமாக உள்ளது. கதவு கைப்பிடிகள், குழாய்கள் மற்றும் பிளஷ் பட்டன்கள் மூலம் ஈ.கோலை மற்றும் நோரோவைரஸ் போன்ற கிருமிகள் எளிதாகப் பரவுகின்றன. குறிப்பாக மூடி இல்லாத பிளஷ் பயன்படுத்துவதால் காற்றில் பரவும் நுண்ணிய துகள்கள் சிறுநீரகத் தொற்று மற்றும் வயிற்று உபாதைகளை உண்டாக்குகின்றன. இந்த மறைமுகக் கிருமிகள் பொது சுகாதாரத்திற்குப் பெரும் சவாலாக உருவெடுத்துள்ளன.

சரியான சுகாதார முறைகளைப் பின்பற்றுவதன் மூலமே இந்த பாதிப்புகளைத் தவிர்க்க முடியும் என நிபுணர்கள் கூறுகின்றனர். கழிவறையைப் பயன்படுத்தும்போது தேவையற்ற இடங்களைத் தொடுவதைத் தவிர்க்க வேண்டும் மற்றும் சோப்பு கொண்டு கைகளைச் சுத்தமாகக் கழுவ வேண்டும். மேலும் கழிவறை இருக்கை சானிடைசர்களைப் பயன்படுத்துவது மற்றும் மாதவிடாய் கழிவுகளை முறையாக அப்புறப்படுத்துவது அவசியமாகும். வெறும் உள்கட்டமைப்பு வசதிகள் மட்டும் போதாது, பொதுமக்களின் விழிப்புணர்வும் பழக்கவழக்க மாற்றமுமே இத்தகைய நோய்த்தொற்றுகளில் இருந்து நம்மைக் காக்கும்.