உக்ரைன் போரை முடிவுக்கு கொண்டு வர பேச்சுவார்த்தை தீர்வாக அமையுமா அல்லது போர்க்களம் முடிவெடுக்குமா என்ற கேள்வி எழுந்துள்ள நிலையில் ரஷ்ய அதிபர் விளாடிமிர் புடின் கடும் எச்சரிக்கை விடுத்துள்ளார். அமைதி பேச்சுவார்த்தைக்கு உக்ரைன் முன்வரவில்லை என்றால் தனது இலக்குகளை அடைய ரஷ்யா முழு ராணுவ பலத்தையும் பயன்படுத்த தயங்காது என்று சனிக்கிழமை அவர் திட்டவட்டமாக தெரிவித்தார்.

உக்ரைன் அதிகாரிகள் அமைதி ஒப்பந்தத்தில் சிறிதும் ஆர்வம் காட்டவில்லை என்று புடின் குற்றம் சாட்டியுள்ளார். அமைதி வழியில் தீர்வு கிடைக்காவிட்டால் ராணுவ நடவடிக்கை மட்டுமே இறுதி முடிவாக இருக்கும் என்று அவர் அச்சுறுத்தியுள்ளார். புடினின் இந்த சமீபத்திய கருத்துக்கள் சர்வதேச அரங்கில் பெரும் பரபரப்பை ஏற்படுத்தியுள்ளதுடன் போரின் தீவிரம் மேலும் அதிகரிக்கும் என்ற அச்சத்தை உருவாக்கியுள்ளன.