ஆதித்யா தார் இயக்கத்தில் வெளியாகியுள்ள ‘துரந்தர்’ திரைப்படம் ரசிகர்களை வியப்பில் ஆழ்த்தியுள்ளது. கராச்சி நிழல் உலகக் கும்பல் போர் மற்றும் இந்திய ஒற்றர்களின் சாகசத்தை மையமாகக் கொண்ட இந்த ஸ்பை த்ரில்லர், சுமார் 3.5 மணி நேரம் நீடிக்கிறது. ரன்வீர் சிங், அக்ஷய் கண்ணா மற்றும் மாதவன் ஆகியோரின் அபார நடிப்பு படத்திற்கு பலம் சேர்த்துள்ளது. கேமராவின் கோணங்களும், ரத்தமும் சதையுமான சண்டைக் காட்சிகளும் ஹாலிவுட் தரத்தில் படமாக்கப்பட்டுள்ளன.

இருப்பினும், படத்தில் இடம்பெற்றுள்ள சில வசனங்கள் சர்ச்சையை கிளப்பியுள்ளன. “இந்தியர்களே இந்தியர்களுக்கு எதிரிகள்” போன்ற வசனங்களும், குறிப்பிட்ட அரசியல் காலத்தைப் பற்றிய குறிப்புகளும் இது ஒரு பிரச்சாரப் படமோ என்ற சந்தேகத்தை எழுப்புகிறது. பொழுதுபோக்கு என்ற போர்வையில் இயக்குனர் ஒரு நுட்பமான அரசியல் செய்தியை கடத்தியுள்ளார். இந்த ‘அழகான ஆபத்தான’ படத்தின் அடுத்த பாகம் 2026-ல் வெளியாகும் என அறிவிக்கப்பட்டுள்ளது.