యూ-19 ఆసియా కప్ సెమీఫైనల్‌లో శ్రీలంకపై 8 వికెట్ల తేడాతో గెలిచిన భారత్ ఫైనల్‌కు దూసుకెళ్లింది. వర్షం కారణంగా 20 ఓవర్లకు కుదించిన ఈ మ్యాచ్‌లో ఆరోన్ జార్జ్, విహాన్ మల్హోత్రా హాఫ్ సెంచరీలతో రాణించారు. మరో సెమీస్‌లో బంగ్లాదేశ్‌ను ఓడించి పాకిస్థాన్ ఫైనల్ చేరింది.

ఆదివారం జరగనున్న హైవోల్టేజ్ ఫైనల్‌లో చిరకాల ప్రత్యర్థి పాకిస్థాన్‌తో భారత్ తలపడనుంది. అయితే, ఓపెనర్ వైభవ్ సూర్యవంశీ వరుసగా విఫలమవ్వడం ఆందోళన కలిగిస్తోంది. పాక్‌పై విజయం సాధించాలంటే భారత టాప్ ఆర్డర్ నిలకడగా రాణించడం అత్యవసరమని విశ్లేషకులు భావిస్తున్నారు.