யோகா குரு பாபா ராம்தேவ் தனது 55 வயதிலும் மிகவும் சுறுசுறுப்பாக இருப்பதற்கு யோகா மற்றும் முறையான உணவுப் பழக்கமே காரணம் என்கிறார். அவர் ஆரோக்கியமாக இருக்க உணவிற்கும் அடுத்த வேளை உணவிற்கும் இடையே போதிய இடைவெளி இருக்க வேண்டும் என அறிவுறுத்துகிறார். குறிப்பாக இரவு உணவை மாலை 7 மணிக்குள் முடித்துவிட்டு அடுத்த நாள் காலை உணவு வரை சுமார் 15 முதல் 16 மணி நேரம் இடைவெளி விடுவது உடலுக்கு மிகுந்த நன்மைகளைத் தரும் என்று அவர் கூறுகிறார்.

உணவு உண்ணும் முறையைப் பற்றி அவர் கூறுகையில் முதலில் சாலட் போன்ற இயற்கை உணவுகளை உட்கொண்டு அதன் பிறகு சமைத்த உணவை உண்ண வேண்டும் என குறிப்பிடுகிறார். ஒவ்வொருவரும் தங்கள் உடலின் தன்மைக்கு ஏற்ப உணவைத் தேர்ந்தெடுக்க வேண்டும். தவறான உணவுப் பழக்கம் செரிமானக் கோளாறு மற்றும் மன அழுத்தத்தை உண்டாக்கும் என எச்சரிக்கிறார். எனவே வெறும் சுவைக்காக மட்டும் உண்ணாமல் உடலின் ஆரோக்கியத்தை கருத்தில் கொண்டு சத்தான உணவுகளைத் தேர்வு செய்யுமாறு அவர் மக்களை வலியுறுத்துகிறார்.