கணினி மேம்படுத்தல் பணிகளுக்காக HDFC வங்கி தனது UPI சேவையை டிசம்பரில் இரண்டு நாட்கள் நிறுத்துகிறது. டிசம்பர் 13 மற்றும் 21 ஆகிய தேதிகளில் அதிகாலை 2:30 மணி முதல் காலை 6:30 மணி வரை, நான்கு மணி நேரம் UPI பரிவர்த்தனைகள் நிறுத்தப்படும். இதனால், வாடிக்கையாளர்கள் தங்கள் சேமிப்பு மற்றும் நடப்புக் கணக்குகளில் இருந்து எந்தவொரு UPI பரிவர்த்தனைகளையும் மேற்கொள்ள முடியாது.

இந்த நேரத்தில் PhonePe மற்றும் Google Pay போன்ற மூன்றாம் தரப்பு பயன்பாடுகள் மூலமான UPI பரிவர்த்தனைகளும் தடைபடும். எனினும், அசௌகரியத்தைத் தவிர்க்க, வங்கி தனது வாடிக்கையாளர்களுக்கு PayZapp வாலட்டைப் பயன்படுத்த அறிவுறுத்தியுள்ளது. இந்த காலக்கட்டத்தில் PayZapp மூலம் செய்யப்படும் பரிவர்த்தனைகளில் எந்தத் தடங்கலும் இருக்காது என்று வங்கி தெளிவுபடுத்தியுள்ளது.