துருக்கியின் முதல் ஆளில்லா போர் விமானமான (UAV) ‘பைரக்தார் கிஜில்எல்மா’ ஒரு சோதனைப் பறப்பில் வரலாற்றுச் சாதனையைப் படைத்துள்ளது. இந்த ட்ரோன், பியான்ட் விசுவல் ரேஞ்ச் (BVR) ஏவுகணையைப் பயன்படுத்தி ஒரு F-16 போர் விமானத்தை வெற்றிகரமாகத் தாக்கி அழிப்பதைத் (விர்ச்சுவலாக) உறுதிப்படுத்தியுள்ளது. இது துருக்கியின் பாதுகாப்புத் துறைக்கு ஒரு ‘விளையாட்டை மாற்றும்’ வெற்றியாகக் கருதப்படுகிறது. துருக்கிய மொழியில் ‘சிவப்பு ஆப்பிள்’ என்று பொருள்படும் கிஜில்எல்மா, வெற்றி மற்றும் செழுமையின் அடையாளமாகும். இது 2026-ஆம் ஆண்டுக்குள் துருக்கி இராணுவத்தில் சேர்க்கப்படும் என்று எதிர்பார்க்கப்படுகிறது. குறைந்த ராடாரில் தெரியும் வகையில் வடிவமைக்கப்பட்டுள்ள இந்த நவீன போர் விமானம், எதிரி விமானங்களைக் கண்காணிக்க மேம்பட்ட சென்சார்களைக் கொண்டுள்ளது. சமீபத்திய சோதனையில், கிஜில்எல்மா அதன் ‘முராத்’ ராடார் உதவியுடன் 50 கி.மீ தொலைவில் இருந்த F-16 விமானத்தை வெற்றிகரமாகக் கண்டறிந்து, பின்தொடர்ந்து, லாக் செய்துள்ளது. பின்னர் அது ‘கோக்டோகன்’ ஏவுகணையை விர்ச்சுவலாகப் பயன்படுத்தி துல்லியமாகத் தாக்கியுள்ளது. இந்த திறன் ஆளில்லா போர் விமானங்களுக்கு வருங்கால வான் போரில் முக்கியப் பங்களிப்பை அளிக்கும் என்று ஆய்வாளர்கள் நம்புகின்றனர்.