நடிகை ஐஸ்வர்யா ராய் பச்சன் சமீபத்தில் நடந்த ரெட் சீ திரைப்பட விழாவில் பங்கேற்றார், அங்கு அவர் தனது தொழில் மற்றும் தனிப்பட்ட வாழ்க்கை குறித்து பேசினார். அவர் தனது கணவர் அபிஷேக் பச்சன் மற்றும் மகள் ஆராத்யாவுக்கு அன்பைத் தெரிவித்தார். தனிப்பட்ட மற்றும் தொழில் வாழ்க்கையின் சமநிலையை வலியுறுத்திய ஐஸ்வர்யா, தான் ஒரு திரைப்படத்தில் நடிக்கவில்லை என்றால், அது அவருக்கு ‘ insecurity’ உணர்வை ஏற்படுத்தவில்லை என்று கூறினார்.

ஐஸ்வர்யா, “நான் ஆராத்யாவுடன் இருப்பதிலும், அபிஷேக்குடன் இருப்பதிலும் மிகவும் பிஸியாக இருக்கிறேன், நான் ஒரு திரைப்படத்தில் ஒப்பந்தம் செய்யவில்லை என்றால், அது எனக்கு எந்தவிதமான insecurity உணர்வையும் ஏற்படுத்தவில்லை. insecurity ஒருபோதும் எனக்கு உந்து சக்தியாக இருந்ததில்லை,” என்று குறிப்பிட்டார். தனது ஆரம்ப கால சினிமா முடிவுகளும் கூட இந்த மனநிலையை பிரதிபலிப்பதாக அவர் தெளிவுபடுத்தினார், இதற்கு உதாரணமாக மணிரத்னமின் ‘இருவர்’ திரைப்படத்தில் நடித்ததை அவர் குறிப்பிட்டார்.