நமது உடலில் இதயம், நுரையீரல் மற்றும் சிறுநீரகம் போன்ற ஓய்வில்லாத சில முக்கியமான உறுப்புகள் உள்ளன. சிறுநீரகத்தின் முக்கிய வேலை இரத்தத்தை சுத்திகரிப்பது மற்றும் உடலில் இருந்து கழிவுப் பொருட்களையும் அதிகப்படியான நீரையும் வெளியேற்றுவதாகும். ஆனால் சிறுநீரகத்தின் செயல்பாடு குறையத் தொடங்கினால், அதன் தாக்கம் உடலின் பல பகுதிகளில், குறிப்பாக கண்களில் தெரியும்.

கண்களுக்குக் கீழே தொடர்ந்து வீக்கம் ஏற்படுவது, சோர்வு அல்லது தூக்கமின்மை காரணமாக மட்டும் இல்லாமல், சிறுநீரகத்தில் இருந்து புரதம் வெளியேறுவதன் அறிகுறியாக இருக்கலாம். திடீரென பார்வை மங்குதல், இரட்டைப் பார்வை, கண்கள் தொடர்ந்து சிவந்து போதல் அல்லது வறட்சி போன்றவையும் தீவிர சிறுநீரகப் பிரச்சினைகளுக்கான எச்சரிக்கைகள். நீலம் மற்றும் மஞ்சள் நிறத்தைப் பிரித்தறிவதில் சிரமம் ஏற்பட்டால் அதுவும் கவனிக்கத்தக்கது. இத்தகைய அறிகுறிகளை அலட்சியம் செய்யாமல், ஆரோக்கியத்தை பாதுகாக்க உடனடியாக மருத்துவ ஆலோசனை பெறுவது அவசியம்.