பீகார் மாநிலம் பூர்னியாவில் பரஸ்பர சம்மதத்துடன் ஒரு கணவனை இரண்டு மனைவிகள் பங்கிட்டுக் கொண்ட ஓர் அசாதாரண சம்பவம் வெளிச்சத்துக்கு வந்துள்ளது. குடும்ப ஆலோசனை மையத்தில் இந்த தனித்துவமான தீர்ப்பு வழங்கப்பட்டுள்ளது. ஆறு குழந்தைகளின் தந்தையான தனது கணவர், முதல் திருமணத்தை மறைத்து தன்னை திருமணம் செய்ததாகவும், இப்போது தன்னுடன் வாழ மறுப்பதாகவும் இரண்டாவது மனைவி புகார் அளித்திருந்தார். அதேசமயம், முதல் மனைவியும் கணவரை விட்டுக்கொடுக்க விரும்பவில்லை.

இரு பெண்களின் பிடிவாதமான நிலைப்பாட்டைக் கண்ட ஆலோசனை மையம், கணவனை அவர்களிடையே பிரிக்கும் விசித்திரமான தீர்ப்பை அறிவித்தது. ஒப்பந்தத்தின்படி, கணவர் இரண்டு மனைவிகளையும் தனித்தனி வீடுகளில் வைத்து, அவர்களின் அனைத்து செலவுகளையும் ஏற்க வேண்டும். அவர் முதல் மனைவியுடன் 15 நாட்களும், அடுத்த 15 நாட்கள் இரண்டாவது மனைவியுடனும் மாறி மாறி இருக்க வேண்டும் என முடிவு செய்யப்பட்டது. எதிர்கால சிக்கலைத் தவிர்க்க, மூவரும் பிணைப்பத்திரம் ஒன்றில் கையெழுத்திட்டுள்ளனர்.