காபி பிரியர்களுக்கு ஒரு பெரிய செய்தி—குளிர்ச்சியான காபியை விட சூடான காபியில் ஆக்ஸிஜனேற்றிகளின் (antioxidants) அளவு கணிசமாக அதிகமாக இருப்பதாக ஆராய்ச்சியாளர்கள் சமீபத்தில் கண்டறிந்துள்ளனர். பிலடெல்பியா மற்றும் தாமஸ் ஜெபர்சன் பல்கலைக்கழகத்தின் வேதியியலாளர்கள் நடத்திய ஆய்வில், சூடான காபி தயாரிக்கும் செயல்முறையால் அதிக அளவில் டைட்ரேடபிள் அமிலங்கள் (titratable acids) உருவாகின்றன. இவை உடலில் ஆக்ஸிஜன் விநியோகத்திற்கு முக்கியமானவை. ஆனால், கோல்ட் காபி தயாரிக்கும் முறை மற்றும் அதன் குறைந்த வெப்பநிலையால் அதன் நன்மைகள் பெருமளவில் குறைகின்றன.

சூடான காபி (அமெரிக்கானோ) மற்றும் கோல்ட் காபி இரண்டின் pH அளவு ஏறக்குறைய ஒரே மாதிரியாகவும் அமிலத்தன்மையுடனும் இருந்தாலும், பல்வேறு சோதனைகளுக்குப் பிறகு, சூடான காபியில் போதுமான ஆக்ஸிஜனேற்றிகள் மற்றும் டைட்ரேடபிள் அமிலங்கள் அதிகம் இருப்பதால், அதன் ஆரோக்கிய நன்மைகள் கோல்ட் காபியை விடச் சிறந்தவை என்று விஞ்ஞானிகள் உறுதிப்படுத்தியுள்ளனர். எனவே, புத்துணர்ச்சி மற்றும் ஆரோக்கியத்திற்காக உங்கள் தினசரி வழக்கத்தில் சூடான காபியைத் தாராளமாகச் சேர்த்துக் கொள்ளலாம்.