உத்தரகண்டில் மீண்டும் ஒரு இயற்கை பேரிடர் தாக்கியுள்ளது. செவ்வாய்க்கிழமை உத்தரகாசி மாவட்டத்தின் தராலி கிராமத்தில் மேகவெடிப்பு மற்றும் திடீர் வெள்ளம் காரணமாக பெரும் சேதம் ஏற்பட்டது. திடீர் வெள்ளத்தில் பல ஹோட்டல்கள், உணவகங்கள் மற்றும் வீடுகள் அடித்துச் செல்லப்பட்டதாக அரசு வட்டாரங்கள் தெரிவிக்கின்றன. இதுவரை நான்கு உடல்கள் மீட்கப்பட்டுள்ளன, மேலும் சுமார் 50 பேர் காணாமல் போயிருக்கலாம் என அஞ்சப்படுகிறது.

ராணுவம் மற்றும் பேரிடர் மீட்புக் குழுக்கள் போர்க்கால அடிப்படையில் மீட்புப் பணிகளில் ஈடுபட்டுள்ளன. இந்தச் சம்பவத்தால் கங்கோத்ரிக்குச் செல்லும் சாலை முற்றிலும் துண்டிக்கப்பட்டுள்ளது. ஹர்சிலில் உள்ள ஒரு ராணுவ முகாமுக்குள்ளும் சேறு புகுந்ததால் 9 வீரர்கள் காணாமல் போயுள்ளனர். முதல்வர் புஷ்கர் சிங் தாமி மற்றும் பிரதமர் நரேந்திர மோடி ஆகியோர் நிலைமையை கண்காணித்து வருவதோடு, அனைத்து உதவிகளையும் உறுதிப்படுத்தியுள்ளனர்.