செயற்கை நுண்ணறிவு (AI) தொழில்நுட்பத்தைப் பயன்படுத்தி உருவாக்கப்படும் ‘டீப்ஃபேக்’ (Deepfake) வீடியோக்கள் சமூக வலைதளங்களில் பெரும் அச்சுறுத்தலாக மாறியுள்ளன. இதனைத் தடுக்க மத்திய அரசு தற்போது தகவல் தொழில்நுட்பச் சட்டத்தில் அதிரடி மாற்றங்களைக் கொண்டு வந்துள்ளது.

மத்திய மின்னணு மற்றும் தகவல் தொழில்நுட்ப அமைச்சகம் வெளியிட்டுள்ள புதிய விதிகளின் முக்கிய அம்சங்கள் இதோ:

• 3 மணிநேரக் கெடு: சமூக வலைதளங்களில் பதிவேற்றப்படும் ஆபாச வீடியோக்கள் அல்லது டீப்ஃபேக் உள்ளடக்கங்களை நீக்குவதற்கு இதுவரை வழங்கப்பட்ட 36 மணிநேர அவகாசம், இனி 3 மணிநேரமாகக் குறைக்கப்பட்டுள்ளது.
• AI முத்திரை கட்டாயம்: செயற்கை நுண்ணறிவு மூலம் உருவாக்கப்பட்ட எந்தவொரு உள்ளடக்கத்திலும் (AI Generated) அது குறித்த அறிவிப்பு இடம்பெறுவது இனி கட்டாயமாக்கப்பட்டுள்ளது.
• பிப்ரவரி 20 முதல் அமல்: இந்த புதிய விதிகள் வரும் பிப்ரவரி 20-ம் தேதி முதல் நாடு முழுவதும் நடைமுறைக்கு வருகின்றன.
• கடுமையான கட்டுப்பாடுகள்: பாலியல் துன்புறுத்தல் சார்ந்த வீடியோக்கள், ஆபாச உள்ளடக்கங்கள், போலி அடையாளங்கள், ஆயுதங்கள் மற்றும் வெடிபொருட்கள் தொடர்பான சட்டவிரோதத் தகவல்களைப் பகிர சமூக வலைதளங்களைப் பயன்படுத்த இனி அனுமதி கிடையாது.

டீப்ஃபேக் வீடியோக்களால் பொதுமக்கள் ஏமாற்றப்படுவதைத் தடுக்கவும், டிஜிட்டல் தளங்களில் பாதுகாப்பை உறுதிப்படுத்தவும் மத்திய அரசு இந்த அதிரடி நடவடிக்கையை எடுத்துள்ளது.