భారత్, దక్షిణాఫ్రికా మధ్య మూడవ T20I మ్యాచ్‌లో, భారత కెప్టెన్ సూర్యకుమార్ యాదవ్ టాస్ గెలిచి ముందుగా ఫీల్డింగ్ ఎంచుకున్నాడు. ఈ కీలకమైన మ్యాచ్‌లో ప్లేయింగ్ XIలో రెండు ప్రధాన మార్పులు జరిగాయి. అస్వస్థత కారణంగా అక్షర్ పటేల్, వ్యక్తిగత కారణాల వల్ల జస్ప్రీత్ బుమ్రా జట్టుకు దూరంగా ఉన్నారు. వీరికి బదులుగా హర్షిత్ రాణా మరియు కుల్దీప్ యాదవ్ జట్టులోకి వచ్చారని సూర్యకుమార్ యాదవ్ తెలిపారు.

ఈ సిరీస్‌లో ఇరు జట్లు 1-1తో సమంగా ఉన్నాయి. ఈ మ్యాచ్‌లో గెలిచి 2-1తో సిరీస్‌ను కైవసం చేసుకోవాలని భారత్ లక్ష్యంగా పెట్టుకుంది. గతంలో 2015లో ఇదే మైదానంలో దక్షిణాఫ్రికా చేతిలో భారత్ ఓడిపోయింది. ఈసారి టీమ్ ఇండియా విజయం సాధించి, సిరీస్‌లో పైచేయి సాధించాలని చూస్తోంది.