డెహ్రాడూన్‌లో జరిగిన ఒక కార్యక్రమంలో మోహన్ భగవత్ మాట్లాడుతూ, ఆర్‌ఎస్‌ఎస్ కేవలం ఒక సేవా సంస్థో లేదా పారామిలిటరీ విభాగమో కాదని, ఇది వ్యక్తి నిర్మాణమే లక్ష్యంగా పనిచేసే సామాజిక శక్తి అని పేర్కొన్నారు. బలమైన వ్యక్తుల ద్వారానే శక్తివంతమైన దేశం సాధ్యమవుతుందని, దేశం బలహీనంగా ఉంటే పౌరులకు రక్షణ ఉండదని ఆయన హెచ్చరించారు.

మహిళా సాధికారతపై స్పందిస్తూ, దేశ పాలనలో మహిళల భాగస్వామ్యం 33 శాతానికే పరిమితం కాకూడదని, అది 50 శాతానికి పెరగాలని ఆయన ఆకాంక్షించారు. ప్రపంచం సత్యం కంటే శక్తిని ఎక్కువగా గౌరవిస్తుందని, అందుకే మాతృభూమి పట్ల భక్తితో సమాజాన్ని ఏకం చేసే హిందూత్వ భావజాలంతో అందరూ ముందుకు సాగాలని ఆయన ఈ సందర్భంగా పిలుపునిచ్చారు.