ప్రేమ వివాహాల పేరిట జరుగుతున్న మోసాలను అరికట్టేందుకు గుజరాత్ ప్రభుత్వం వివాహ రిజిస్ట్రేషన్ నిబంధనలను కఠినతరం చేస్తోంది. ఇకపై రిజిస్టర్ మ్యారేజ్ చేసుకోవాలంటే తల్లిదండ్రుల సమ్మతి తప్పనిసరి అని హోం మంత్రి హర్ష్ సంఘ్వి అసెంబ్లీలో ప్రకటించారు. యువతుల రక్షణ కోసమే ఈ చట్ట సవరణ చేస్తున్నట్లు ప్రభుత్వం పేర్కొంది.

కొత్త నిబంధనల ప్రకారం దరఖాస్తు చేసుకున్న 30 రోజులలోపు తల్లిదండ్రుల అభిప్రాయాన్ని రిజిస్ట్రార్ కార్యాలయం సేకరిస్తుంది. ఈ నిర్ణయాన్ని ఆమ్ ఆద్మీ పార్టీ స్వాగతించగా, ఇది వ్యక్తిగత స్వేచ్ఛను హరించడమేనని న్యాయ నిపుణులు హెచ్చరిస్తున్నారు. ప్రజల నుంచి అభ్యంతరాలను స్వీకరించిన తర్వాతే ఈ ప్రతిపాదనను చట్టంగా మారుస్తారు.