కేరళ అసెంబ్లీ ఎన్నికల వేళ కాంగ్రెస్ పార్టీ తన వ్యూహాలకు పదును పెడుతోంది. పదేళ్లుగా అధికారానికి దూరంగా ఉన్న కాంగ్రెస్, ఈసారి ఎలాగైనా విజయం సాధించాలని పట్టుదలతో ఉంది. పార్టీలో విభేదాలు ఉన్నాయన్న వార్తల నడుమ, సీనియర్ నేత శశి థరూర్ పై అధిష్టానం నమ్మకం ఉంచింది. రమేష్ చెన్నితాల నేతృత్వంలోని ప్రచార కమిటీలో థరూర్ కు కీలక బాధ్యతలు అప్పగించారు.

రాబోయే ఏప్రిల్-మే నెలల్లో ఎన్నికలు జరిగే అవకాశం ఉండటంతో పార్టీ శ్రేణులను సమాయత్తం చేస్తున్నారు. కాలి గాయం కారణంగా ప్రస్తుతం చక్రాల కుర్చీకే పరిమితమైన థరూర్, త్వరలోనే కోలుకుని క్షేత్రస్థాయిలో ప్రచారానికి వస్తారని పార్టీ భావిస్తోంది. షఫీ పరంబిల్, కే సురేష్ వంటి ముఖ్య నేతలతో కూడిన ఈ బృందం కేరళలో కాంగ్రెస్ పునరాగమనం కోసం శ్రమించనుంది.