అక్రమ ‘డంకీ’ మార్గంలో అమెరికా వెళ్లాలనుకున్న గుజరాత్ ఆనంద్ జిల్లాకు చెందిన ధ్రువ్, దీపికా పటేల్ అజర్బైజాన్‌లో కిడ్నాప్‌కు గురయ్యారు. బందీలుగా చిక్కుకున్న వారిని కిడ్నాపర్లు చితకబాదుతూ, డబ్బులు ఇవ్వకపోతే కిడ్నీలు అమ్మేస్తామని బెదిరించారు. కుటుంబ సభ్యులు రూ. 65 లక్షలు చెల్లించినా చిత్రహింసలు ఆగలేదు.

భారత విదేశాంగ శాఖ మరియు బాకులోని భారత రాయబార కార్యాలయం చొరవతో ‘ఆపరేషన్ మహిసాగర్’ ద్వారా వీరిని సురక్షితంగా రక్షించారు. ఎంపీ మితేష్ పటేల్ విజ్ఞప్తితో ప్రభుత్వం జరిపిన 24 గంటల దౌత్య ప్రయత్నాలు ఫలించి, వారు క్షేమంగా స్వదేశానికి చేరుకున్నారు. అక్రమ మార్గాల్లో విదేశీ ప్రయాణాలు ప్రాణాంతకమని ఈ ఘటన మరోసారి నిరూపించింది.