చెన్నైలో వారం రోజుల్లోనే దాదాపు 1,500 కాకులు మృతి చెందడం కలకలం రేపుతోంది. పరీక్షల్లో వీటికి ప్రమాదకరమైన H5N1 బర్డ్ ఫ్లూ సోకినట్లు నిర్ధారణ అయింది. ఈ వైరస్ వేగంగా మార్పు చెందుతూ పక్షుల నుండి జంతువులకు, తద్వారా మనుషులకు వ్యాపించే ప్రమాదం ఉందని నిపుణులు హెచ్చరిస్తున్నారు.

ప్రపంచ ఆరోగ్య సంస్థ లెక్కల ప్రకారం, ఈ వైరస్ సోకిన వారిలో మరణాల రేటు 48 శాతంగా ఉంది. తీవ్రమైన జ్వరం, దగ్గు మరియు శ్వాసకోశ సమస్యలు దీని ప్రధాన లక్షణాలు. తమిళనాడుతో పాటు ఇతర రాష్ట్రాల్లోనూ ఈ వైరస్ వ్యాప్తి చెందుతుండటంతో ప్రజలు అప్రమత్తంగా ఉండాలని వైద్యులు సూచిస్తున్నారు.