కేంద్ర ఆర్థిక మంత్రి నిర్మలా సీతారామన్ 2047 వరకు పన్ను సెలవులను (Tax Holiday) ప్రకటిస్తూ కీలక నిర్ణయం తీసుకున్నారు. భారతీయ కంపెనీలకు సేవలు అందించే విదేశీ సంస్థలు ఈ ప్రయోజనాన్ని పొందుతాయి. దేశ ఆర్థిక వ్యవస్థను బలోపేతం చేయడానికి మరియు విదేశీ పెట్టుబడులను ఆకర్షించడానికి కేంద్ర ప్రభుత్వం ఈ దీర్ఘకాలిక వెసులుబాటును కల్పించింది.

ప్రవాస భారతీయులకు (NRI) కూడా ఈ బడ్జెట్‌లో ఆర్థిక మంత్రి తీపి కబురు అందించారు. భారతీయ కంపెనీలకు మూలధన వస్తువులను సరఫరా చేసే ఎన్నారైలకు ఐదేళ్ల పాటు ఆదాయపు పన్ను నుండి మినహాయింపు ఉంటుందని ఆమె పేర్కొన్నారు. ప్రభుత్వ ఈ నిర్ణయం వల్ల దేశీయ పారిశ్రామిక రంగంలో విదేశీ పెట్టుబడులు మరియు అత్యాధునిక సాంకేతికత పెరుగుతాయని భావిస్తున్నారు.