భారతీయ వంటకాల్లో ప్రత్యేక రుచినిచ్చే ఇంగువ, ఫెరులా మొక్క వేర్ల నుండి వచ్చే జిగురు లాంటి పదార్థం ద్వారా తయారవుతుంది. సోషల్ మీడియాలో వైరల్ అవుతున్న ఒక వీడియోలో, ఆఫ్ఘనిస్తాన్ లోని హెరాత్ ప్రాంతంలో ఈ వేర్లను సేకరించి, ఎండలో ఎండబెట్టి ఇంగువను ఎలా తయారు చేస్తారో స్పష్టంగా చూపించారు.

అయితే మార్కెట్లో లభించే ఇంగువలో ఎక్కువ భాగం కల్తీ అని తెలుస్తోంది. స్వచ్ఛమైన ఇంగువ ధర ఎక్కువగా ఉండటంతో, సాధారణంగా విక్రయించే పొడిలో కేవలం 5 నుండి 10 శాతం మాత్రమే అసలైన ఇంగువ ఉంటుంది. మిగిలిన భాగంలో గోధుమ పిండి మరియు తినదగిన గమ్ కలుపుతారు. ఈ విషయం ఇప్పుడు నెటిజన్ల మధ్య పెద్ద చర్చకు దారితీసింది.