ప్రముఖ పెయిన్ కిల్లర్ నైముసులైడ్ (Nimesulide) 100 ఎంజీ కంటే ఎక్కువ మోతాదు కలిగిన మందులపై కేంద్ర ఆరోగ్య శాఖ నిషేధం విధించింది. ఈ మందుల వల్ల కాలేయం (Liver) తీవ్రంగా దెబ్బతినే అవకాశం ఉందని డ్రగ్స్ టెక్నికల్ అడ్వైజరీ బోర్డు హెచ్చరించడంతో, ప్రభుత్వం వీటి తయారీ మరియు విక్రయాలను తక్షణమే నిలిపివేసింది. ఎవరైనా నిబంధనలు అతిక్రమిస్తే కఠిన చర్యలు తీసుకుంటామని స్పష్టం చేసింది.

గతంలో 2011లోనే చిన్నపిల్లల కోసం ఈ మందును నిషేధించగా, ఇప్పుడు పెద్దల మోతాదుపై కూడా ఆంక్షలు విధించారు. దేశంలో సుమారు 500 కోట్ల రూపాయల మార్కెట్ ఉన్న ఈ మందును ప్రజలు డాక్టర్ల సలహా లేకుండా విచ్చలవిడిగా వాడుతున్నారు. అయితే కాలేయానికి ముప్పు వాటిల్లే ప్రమాదం ఉందని తేలడంతో, ప్రజల ఆరోగ్యం దృష్ట్యా ఈ అధిక శక్తివంతమైన పెయిన్ కిల్లర్లను కేంద్రం నిషేధిస్తూ ఉత్తర్వులు జారీ చేసింది.