హర్యానాలోని పానిపట్‌లో ఒక వింత ఘటన వెలుగులోకి వచ్చింది. తన వద్ద ట్యూషన్ చదువుకుంటున్న 11వ తరగతి మైనర్ విద్యార్థితో కలిసి ఒక స్కూల్ టీచర్ పారిపోయింది. గత రెండేళ్లుగా ఆ విద్యార్థి టీచర్ ఇంటికి ట్యూషన్‌కు వెళ్తుండేవాడు. మే 29న ఇంటి నుంచి వెళ్లిన విద్యార్థి తిరిగి రాకపోవడంతో ఆందోళన చెందిన తల్లిదండ్రులు పోలీసులకు ఫిర్యాదు చేశారు. దీంతో ఈ వ్యవహారం బయటపడింది.

విడాకులు తీసుకున్న ఆ టీచర్ తన పుట్టింట్లోనే ఉంటూ విద్యార్థులకు పాఠాలు చెప్పేది. ఎటువంటి విలువైన వస్తువులు తీసుకోకుండా కేవలం ఉంగరంతో విద్యార్థితో కలిసి ఆమె పరారైంది. రంగంలోకి దిగిన పోలీసులు గాలింపు చేపట్టి ఎట్టకేలకు ఆ టీచర్‌ను అరెస్ట్ చేసి మైనర్ బాలుడిని స్వాధీనం చేసుకున్నారు. ప్రస్తుతం ఈ గురు శిష్యుల ప్రేమకథ సోషల్ మీడియాలో వైరల్‌గా మారింది.