బీహార్‌లోని పూర్ణియా జిల్లాలో భర్త పంపకానికి సంబంధించిన ఒక వింత ఘటన వెలుగులోకి వచ్చింది. మొదటి భార్య ఉండగానే నిజం దాచి రెండో పెళ్లి చేసుకున్న ఒక వ్యక్తిపై వివాదం తలెత్తగా, ఫ్యామిలీ కౌన్సెలింగ్ సెంటర్ మధ్యవర్తిత్వంతో ఈ సమస్య పరిష్కారమైంది. ఇద్దరు భార్యలు అతనితోనే ఉంటామని పట్టుబట్టడంతో, అధికారులు వారి మధ్య ఒక రాజీ కుదిర్చారు. ఈ నిర్ణయం ఇప్పుడు స్థానికంగా చర్చనీయాంశమైంది.

కొత్త ఒప్పందం ప్రకారం సదరు వ్యక్తి తన ఇద్దరు భార్యలకు విడివిడిగా ఇళ్లు నిర్మించి పోషణ బాధ్యతలు చేపట్టాలి. అంతేకాకుండా నెలకు 15 రోజుల చొప్పున ఒక్కొక్క భార్య వద్ద గడపాలని నిబంధన విధించారు. ఈ ఒప్పందానికి ముగ్గురూ అంగీకరించగా, భవిష్యత్తులో మాట తప్పకుండా ఉండేందుకు వారి నుంచి చట్టపరమైన బాండ్ కూడా రాయించుకున్నారు.