నోటి పుండ్లు ఫంగల్ ఇన్ఫెక్షన్లు, మందుల దుష్ప్రభావాలు లేదా విరిగిన పళ్ళ వల్ల రావచ్చు. కానీ పొగాకు, ధూమపానం వల్ల కలిగే ‘ల్యూకోప్లాకియా’ (తెల్లని మచ్చలు) క్యాన్సర్ ముందస్తు లక్షణం. నిపుణుల అభిప్రాయం ప్రకారం, వీటిని నిర్లక్ష్యం చేస్తే భవిష్యత్తులో అది ప్రాణాంతక క్యాన్సర్‌గా మారే అవకాశం ఉంది.

భారతదేశంలో నమోదయ్యే మొత్తం క్యాన్సర్ కేసుల్లో మూడింట ఒక వంతు నోటి క్యాన్సర్లే ఉన్నాయి. నాలుకపై మొద్దుబారడం లేదా తగ్గని పుండ్లు ఉంటే వెంటనే డాక్టరును సంప్రదించాలి. నోటి పరిశుభ్రత పాటించడం, పోషకాహారం తీసుకోవడం మరియు వ్యసనాలకు దూరంగా ఉండటమే ఈ వ్యాధి నివారణకు ఏకైక మార్గం.