జపాన్‌లోని ఒట్సుచి నగరంలో కొండపై ఉన్న ఒక వింత ఫోన్ బూత్ ఇప్పుడు ప్రపంచ దృష్టిని ఆకర్షిస్తోంది. దీన్ని ‘విండ్ ఫోన్’ అని పిలుస్తారు. ఎటువంటి కనెక్షన్ లేని ఈ ఫోన్ ద్వారా ప్రజలు తమకు దూరమైన మృతులతో మనసు విప్పి మాట్లాడుతుంటారు. 2010లో క్యాన్సర్ వల్ల తన బంధువును కోల్పోయిన ఇతారు ససాకి అనే వ్యక్తి, ఆ బాధ నుండి ఉపశమనం పొందేందుకు ఈ వినూత్నమైన ఆలోచనను అమలులోకి తెచ్చారు.

నిశ్శబ్దంగా ఉండే ఆ కొండ ప్రాంతంలో గాలి వీచినప్పుడు ఫోన్ రిసీవర్‌లో ఒక రకమైన శబ్ద తరంగాలు వినిపిస్తాయి. ససాకి అభిప్రాయం ప్రకారం, ఆ గాలి శబ్దమే మరణించిన వారి భాషగా అనిపిస్తుంది. తమ ఆత్మీయులను కోల్పోయి పుట్టెడు దుఃఖంలో ఉన్నవారు ఇక్కడికి వచ్చి, ఫోన్‌లో వారితో మాట్లాడి మనసు తేలిక పరుచుకుంటున్నారు.