భారత వైద్య పరిశోధన మండలి (ICMR) 8 యంగ్ ప్రొఫెషనల్ పోస్టుల భర్తీకి దరఖాస్తులను ఆహ్వానిస్తోంది. అర్హత కలిగిన అభ్యర్థులు జనవరి 9వ తేదీలోపు దరఖాస్తు చేసుకోవాల్సి ఉంటుంది. ఈ పోస్టులకు ఎంపికైన వారికి నెలకు 30,000 రూపాయల వేతనం లభిస్తుంది. దరఖాస్తుదారుల గరిష్ట వయస్సు 35 ఏళ్లు మించకూడదు. ప్రభుత్వ రంగంలో స్థిరపడాలనుకునే వారికి ఇది మంచి అవకాశం.

విద్యార్హతల విషయానికి వస్తే అభ్యర్థులు బీకాం లేదా బీబీఏ పూర్తి చేసి ఉండాలి మరియు సంబంధిత పనిలో అనుభవం కలిగి ఉండాలి. అభ్యర్థుల ఎంపిక స్క్రీనింగ్ మరియు ఇంటర్వ్యూ ప్రక్రియ ద్వారా జరుగుతుంది. పూర్తి వివరాల కోసం అభ్యర్థులు ఐసిఎంఆర్ అధికారిక వెబ్‌సైట్‌ను సందర్శించవచ్చు. గడువు ముగియక ముందే ఆసక్తి గల అభ్యర్థులు దరఖాస్తు చేసుకోవాలని సూచించారు.