హమీర్పూర్ కో-ఆపరేటివ్ బ్యాంక్‌లో విస్తుపోయే ఘటన వెలుగుచూసింది. తన కుమారుడి ద్వారా రూ. 1.5 లక్షలు డిపాజిట్ చేసేందుకు పంపిన జగత్‌రాజ్ కుష్వాహాకు, క్యాషియర్ మోహిత్ ఖరే నోట్లు తక్కువగా ఉన్నాయని చెప్పాడు. అనుమానంతో సీసీటీవీ ఫుటేజీని పరిశీలించగా, క్యాషియర్ తెలివిగా నోట్లను లెక్కించే సాకుతో క్యాలిక్యులేటర్ కింద దాచి, ఆపై జేబులో వేసుకోవడం స్పష్టంగా కనిపించింది.

గతంలో కూడా పలుమార్లు ఇతడు ఇలాగే నగదు మాయం చేసినట్లు ఆరోపణలు ఉన్నాయి. ఆధారాలతో సహా దొరికిపోవడంతో బ్యాంకు జనరల్ మేనేజర్ శ్రీరామ్ తక్షణమే స్పందించి, నిందితుడైన క్యాషియర్‌ను సస్పెండ్ చేశారు. ఈ మోసంపై ఉన్నత స్థాయి విచారణకు ఆదేశించినట్లు అధికారులు తెలిపారు.