విమాన ప్రయాణంలో మిగిలిపోయిన సీల్డ్ పెరుగు, బ్రెడ్ వంటి ఆహార పదార్థాలు వృధాగా చెత్తకుప్పల్లోకి వెళ్తుంటాయి. ఈ ఆహార వృధాను అరికట్టేందుకు సీఈఓ అన్షు భర్తియా ఒక కొత్త అలవాటును మొదలుపెట్టారు. ఆ ఆహారాన్ని తన బ్యాగులో పెట్టుకుని, విమానం దిగాక అవసరమున్న వారికి అందజేస్తున్నారు. మొదట్లో కాస్త ఇబ్బందిగా అనిపించినా, ఆహారం వృధా కాకూడదనే ఉద్దేశంతో ఆమె ఈ నిర్ణయం తీసుకున్నారు.

సోషల్ మీడియాలో ఈ విషయం వైరల్ కావడంతో నెటిజన్లు ఆమెను ప్రశంసిస్తున్నారు. విమాన సంస్థలు కూడా ఇలాంటి మంచి ఆహారాన్ని వృధా చేయకుండా పేదలకు పంచేలా నిబంధనలు తీసుకురావాలని కోరుతున్నారు. చిన్న ప్రయత్నమైనా అది ఎంతోమంది ఆకలి తీరుస్తుందని అన్షు నిరూపించారు.