ఉత్తరప్రదేశ్‌లోని గాజీపూర్‌లో ఒక భర్త తన గర్భవతి అయిన భార్య పట్ల అత్యంత దారుణంగా ప్రవర్తించాడు. ఆమె అసభ్యకర ఫోటోలు, వీడియోలను తన స్నేహితులకు పంపడమే కాకుండా, ఆమెను విక్రయిస్తానని బెదిరించాడు. ఈ విషయాన్ని ప్రశ్నించినందుకు భార్యను కొట్టి, బలవంతంగా మద్యం తాగించినట్లు బాధితురాలు పోలీసులకు ఫిర్యాదు చేసింది.

ఐదు నెలల గర్భవతి అయిన ఆ మహిళ, పోలీసుల వద్దకు వెళ్లి తన గోడును వెళ్లబోసుకుంది. ఎస్పీ ఆదేశాల మేరకు నిందితుడిపై కేసు నమోదైంది. తనకు న్యాయం జరగకపోతే ఆత్మహత్య చేసుకుంటానని ఆమె ఆవేదన వ్యక్తం చేసింది. ఈ ఘటన స్థానికంగా కలకలం రేపింది.